કોરોનાની 5 મિનિટમાં તપાસ કરનારી કિટ 18 એપ્રિલ સુધી ભારત આવી શકે છે, અછતના કારણે હાલ વધુ ટેસ્ટિંગ નથી થઈ શકતાં

SHARE WITH LOVE
  • 25
  •  
  •  
  •  
  •  
  •  
  •  
  •  
    25
    Shares

કોરોના સંક્રમણની તપાસ માટે અમેરિકન કંપની એબોટ દર મહિને 50 લાખ ટેસ્ટ કિટ બનાવશે  50 લાખ કિટ વિદેશોથી મંગાવાઈ, અમેરિકાથી 5 લાખ કિટ આવશે

નવી દિલ્હી. કોરોના વાઈરસના સંકટ વચ્ચે આ સમાચાર રાહત આપનારા છે. કોરોનાના શંકાસ્પદોની તપાસ માટે અમેરિકન કંપની એબોટે બનાવેલી રેપિડ કિટ ભારત પહોંચવાની છે. આ કિટ એપ્રિલના ત્રીજા અઠવાડિયા એટલે કે 18 એપ્રિલ સુધી ભારત આવી શકે છે. એબોટની તપાસ કિટ ગણતરીની મિનિટોમાં કોરોના શંકાસ્પદનું રિઝલ્ટ આપી દે છે. જો દર્દી પોઝિટિવ હોય તો પાંચ મિનિટમાં જણાવી દે છે, જ્યારે નેગેટિવ હોય તો માંડ 13 મિનિટ લાગે છે. આ કિટ વજનમાં પણ હલકી અને નાનકડી છે, જેને કોઈ પણ સ્થળે મોકલવી ખૂબ સરળ છે. તેને એ હોસ્પિટલો બહાર લગાવી શકાય છે, જ્યાં સંક્રમણના કેસ વધુ આવી રહ્યા છે. એબોટે એક મહિનામાં આવી 50 લાખ ટેસ્ટ કિટનું ઉત્પાદન કરવાની યોજના બનાવી છે. અમેરિકન રેગ્યુલેટર પણ આ ટેસ્ટ કિટની સ્વીકૃતિ આપી ચૂક્યું છે. 

અમેરિકાથી પાંચ લાખ કિટ મંગાવી હતી
બીજી તરફ, દેશમાં કોરોના પ્રભાવિતોની ઓળખ કરવા માટે આરોગ્ય મંત્રાલય તેનો વ્યાપ વધારી રહ્યું છે કારણ કે, દુનિયાભરમાં તપાસ કિટની અછત છે. આરોગ્ય મંત્રાલયના સંયુક્ત સચિવ લવ અગ્રવાલે કહ્યું કે, અમેરિકાથી પાંચ લાખ કિટ મંગાવી હતી. તેને દેશના વિવિધ રાજ્યોમાં આઈસીએમઆરની જુદી જુદી લેબમાં મોકલી દેવાઈ છે, પરંતુ જરૂરિયાતના પ્રમાણમાં તે ખૂબ ઓછી છે. આઈસીએમઆર પ્રમાણે પાંચ લાખ અને તપાસ કિટ એક-બે દિવસમાં પહોંચી જશે. વિદેશોથી આયાત કરવામાં હજુ થોડી મુશ્કેલી છે.  આ તમામ કારણો જોતા ખાનગી તપાસ લેબને કોવિડ-19ના સંભવિત દર્દીઓની તપાસનો અધિકાર અપાયો છે, પરંતુ તેમની પાસે તપાસ કિટ ઉપલબ્ધ નથી. આ પ્રકારના વિસ્તારોમાં કે જ્યાં મોટા પાયે સંભવિત દર્દીઓ છે, ત્યાં રેપિડ એન્ટિબોડી તપાસ કિટના ઉપયોગની મંજૂરી અપાઈ છે. 50 લાખ રેપિડ એન્ટિબોડી તપાસ કિટનો પણ ઓર્ડર આઈસીએમઆર દ્વારા જ અપાયો છે. આ સિવાય અન્ય દેશોમાંથી પણ લાખો કિટ મંગાવાઈ છે. 

આઈસીએમઆરે વધુ 4 સંસ્થાને કોરોના તપાસના હક આપ્યા 
ઈન્ડિયન કાઉન્સિલ ઓફ મેડિકલ રિસર્ચ (આઈસીએમઆર)એ પોતાની લેબ સિવાય ડિપાર્ટમેન્ટ ઓફ બાયોટેક્નોલોજી, કાઉન્સિલ ઓફ સાયન્ટિફિક એન્ડ ઈન્ડસ્ટ્રિયલ રિસર્ચ, સાયન્સ એન્ડ ટેક્નોલોજી ડિપાર્ટમેન્ટ અને ડિપાર્ટમેન્ટ ઓફ એટમિક એનર્જીને પણ કોવિડ-19ની તપાસના આદેશ આપ્યા છે. જોકે, આઈસીએમઆરે સ્પષ્ટતા કરી છે કે, અમારા તરફથી તેમની લેબને કોઈ પ્રકારની તપાસ કિટ કે રિ-એજન્ટ નહીં અપાય.

Source:


SHARE WITH LOVE
  • 25
  •  
  •  
  •  
  •  
  •  
  •  
  •  
    25
    Shares