વેબ સીરીઝ ‘Aashram’ પર વધી બબાલ, કોર્ટે બૉબી દેઓલ અને પ્રકાશ ઝાને ફટકારી નૉટિસ
જયપુરઃ અભિનેતા બૉબી દેઓલ અને ફિલ્મ નિર્માતા પ્રકાશ ઝાને જોધપુરની એક કોર્ટે આશ્રમ વેબ સીરીઝ વિરુદ્ધ નોંધાયેલા એક કેસમા નૉટિસ ફટકારી છે. આ કેસની આગમી સુનાવણી 11 જાન્યુઆરીએ થશે. ઉલ્લેખનીય છે કે તાજેતરમા જ પ્રકાશ ઝા દ્વારા આશ્રમ નામની વેબ સીરીઝ બનાવવામાં આવી છે, હવે આની બીજી સિઝન પણ રિલીઝ થઇ ગઇ છે.
જિલ્લા અને સેશન કોર્ટમાં રવિન્દ્ર જોશીની કોર્ટે આ આદેશ વકીલ કુશ ખંડેલવાલની અરજી પર આપ્યો છે. જોકે કોર્ટે બૉબી દેઓલ અને પ્રકાશ ઝા વિરુદ્ધ એફઆઇઆર નોંધવાનો આદેશ આપવાનો ઇનકાર કર્યો છે.
આ સીરીઝને લઇને જગ્યાએ વિવાદ અને વિરોધ જોવા મળ્યો હતો. કેટલાક લોકો અને સંગઠનોએ આપત્તિ દર્શાવી હતી. સીરીઝ દર્શકો વચ્ચે ખુબ ચર્ચિત રહી. કરણી સેના તરફથી આશ્રમ વેબ સીરીઝના ટાઇટલમા જ ડાર્ક સાઇડ જોડવામા આવ્યુ છે, તેને લઇને કરણી સેનાએ આપત્તિ દર્શાવી છે. ટ્રેલરના આપત્તિજનક સીન્સા આધાર પર કરણી સેનાએ આ શૉ પર રોક લગાવવાની માંગ કરી હતી.
