ગુજરાતમાં કર્ફ્યૂ લંબાયો, હવે આ 36 શહેરમાં આ તારીખ સુધી પ્રતિબંધો લાગૂ

SHARE WITH LOVE
  • 11
  •  
  •  
  •  
  •  
  •  
  •  
  •  
    11
    Shares

ભારત સરકારની માર્ગદર્શિકા અનુસાર ગુજરાતના કુલ 36 શહેરોને કર્ફ્યૂ હેઠળ મુકવામાં આવ્યા છે, જ્યાં 6ઠ્ઠી મેથી 12 મે સુધી આ નિયંત્રણો લાગુ રહેશે. સરકારે હાલ લોકડાઉન કર્યું નથી પરંતુ, નિયંત્રણો લંબાવ્યા છે અને તેમાં બીજા સાત શહેરોનો ઉમેરો કર્યો છે. રાજ્યમાં અગાઉ જે 8 મહાનગરો સહિત 29 શહેરોમાં કોરોના કર્ફ્યૂ હતો તે ઉપરાંત હવે વધુ 7 શહેરો ડીસા, અંકલેશ્વર, વાપી, મોડાસા, રાધનપુર, કડી અને વિસનગર સહિત કુલ 36 શહેરોમાં રાત્રિના 8થી સવારના 6 વાગ્યા સુધી કોરોના કર્ફ્યૂ રહેશે.

મુખ્યમંત્રી વિજય રૂપાણીની અધ્યક્ષતામાં મળેલી કોર કમિટીની બેઠકમાં આ નિર્ણય લેવામાં આવ્યો છે. આ નિયંત્રણો દરમિયાન તમામ આવશ્યક સેવાઓ ચાલુ રહેશે. જેમકે અનાજ-કરિયાણાની દુકાન, શાકભાજી, ફળ-ફળાદિ, મેડિકલ સ્ટોર, મિલ્ક પાર્લર, બેકરી તથા ખાદ્યપદાર્થોની દુકાનો ચાલુ રહેશે. આ 36 શહેરોમાં તમામ ઉદ્યોગો, ઉત્પાદન એકમો, કારખાનાઓ અને બાંધકામ પ્રવૃત્તિઓ યથાવત ચાલુ રહેશે. ખાનગી ઓફિસોમાં 50 ટકા સ્ટાફની હાજરી, ફરજીયાત માસ્ક અને સોશિયલ ડિસ્ટન્સિંગના નિયમોના પાલનના ચેકિંગ માટે જીએસટી વિભાગ કચેરીઓનું ઓચિંતું ચેકિંગ કરશે અને નિયમોના ભંગ કરનારી ખાનગી ઓફિસો સામે કડક કાયદેસરની કાર્યવાહી કરવા મુખ્યમંત્રી વિજય રૂપાણીએ સ્પષ્ટ સૂચના આપી છે. 

સરકારના નિર્ણય પ્રમાણે કોરોનાની કામગીરી સાથે સીધી રીતે સંકળાયેલ સેવા તેમજ આવશ્યક સેવા સાથે સંકળાયેલ સેવાઓ ચાલુ રહેશે. મેડિકલ, પેરામેડિકલ તથા તેને આનુષંગિક આરોગ્યલક્ષી સેવાઓ, ઓક્સિજન ઉત્પાદન અને વિતરણ વ્યવસ્થા ચાલુ રહેશે. રાજયમાં કોરોના સંક્રમણનો વધતો વ્યાપ અટકાવવા એવો પણ નિર્ણય કર્યો છે કે સરકારી, અર્ધ સરકારી, બોર્ડ, કોર્પોરેશન, બેંક, ફાયનાન્સ સંબંધિત સેવાઓ, કેશ ટ્રાન્ઝેક્શન સેવાઓ, બેંકોના ક્લીયરીંગ હાઉસ, એટીએમ/સીડીએમ રીપેરર્સ, સ્ટોક એક્સચેન્જ, સ્ટોક બ્રોકરો, ઈન્સ્યોરન્સ કંપનીઓ તથા તમામ પ્રકારની ખાનગી ઓફિસોમાં કર્મચારીઓની હાજરીની સંખ્યા 50% સુધી સુનિશ્ચિત કરવાની રહેશે. આંતરરાજ્ય, આંતરજિલ્લા અને આંતરશહેરની ટ્રાન્સપોર્ટ સેવાઓ તથા તેને સંલગ્ન ઈ-કોમર્સ સેવાઓ પણ ચાલુ રહેશે. 

રાજ્યમાં ઉત્પાદન પ્રવૃત્તિ અને ઉદ્યોગો ચાલુ રહે તથા શ્રમિકોને કોઈ તકલીફ ન પડે તે હેતુથી તમામ પ્રકારના ઉત્પાદન કે ઔદ્યોગિક એકમો અને તેને રો-મટીરીયલ પૂરો પાડતા એકમો ચાલુ રાખવાનો નિર્ણય કરવામાં આવ્યો છે, તેમના સ્ટાફ માટેની વાહનવ્યવસ્થા ચાલુ રહેશે. એ ઉપરાંત, બાંધકામને લગતી પ્રવૃત્તિઓ ચાલુ રહેશે.

Source:


SHARE WITH LOVE
  • 11
  •  
  •  
  •  
  •  
  •  
  •  
  •  
    11
    Shares