Thailand Open: પ્રથમ તબક્કામાં જ હારી જતા પીવી સિંધૂ અને પ્રણિત બહાર થઇ ગયા

SHARE WITH LOVE
  • 1
  •  
  •  
  •  
  •  
  •  
  •  
  •  
    1
    Share

કોરોના વાયરસ સંક્રમણ બાદ બેડમિન્ટન કોર્ટ (Badminton Court) થી દુર રહેનારી ભારતીય સ્ટાર પીવી સિંધુ (PV Sindhu) ની વાપસી નિરાશાજનક રહી છે. વિશ્વ ચેમ્પિયન સિંધુને આંતરરાષ્ટ્રીય બેડમિન્ટનમાં વાપસીની સાથે પ્રથમ તબક્કામાં જ હારનો સામનો કરવો પડ્યો છે. સિંધૂ થાઇલેન્ડ ઓપન (Thailand Open) સુપર 1000 ટુર્નામેન્ટમાં શરુઆતની મેચમાં ડેન્માર્કની મિયા બ્લિચફેલ્ટ (Mia Blichfeldt) થી ત્રણ રમતમાં હારી ગઇ હતી.

કોરોના મહામારીને લઇને આંતરરાષ્ટ્રીય કેલેન્ડરને અવરોધ થયાના મહિનાઓ બાદ છઠ્ઠા ક્રમની સિંધૂએ આ ટુર્નામેન્ટ દ્રારા વાપસી કરી છે. તેણે 74 મિનીટ સુધી ચાલેલી મેચમાં મિયા એ 16-21, 26-24, 21-13 થી હરાવી દીધી હતી.
આ સાથે જ મહિલા સિંગલ્સમાં ભારતીય પડકાર પણ સમાપ્ત થયો હતો.

પુરુષ સિંગ્લસમાં દુનિયાના 13 માં નંબરના ખેલાડી બીસાઇ પ્રણિતને થાઇલેન્ડમાાં કેંટાફોન વાંગચારોન એ સીધી રમતમાં હરાવ્યો હતો. પ્રણિત ને 16-21 10-21 થી હાર સહન કરવી પડી હતી. આ પહેલા મિક્સડ ડબલ્સમાં સાત્વિકસાઇરાજ રેંકી રેડ્ડી અને અશ્વિન પોનપ્પાએ ઇન્ડોનેશીયાના હફિલ ફૈઝલ અને ગ્લોરિયા વિઝાઝા ને 21-11,27-29, 21-16 થી મહાત આપી હતી.

થાઇલેન્ડ ઓપનમાં ભારતની ટોચની બેડમિન્ટન ખેલાડી સાયના નેહવાલ અને એચએસ પ્રણય હવે પોતાની પ્રથમ મેચ બુધવારે રમનારા છે. આયોજકોએ ભારતીય મેનેજમેન્ટને જાણકારી આપી હતી કે સાયના અને પ્રણયના કોવિડ-19 ટેસ્ટ નેગેટિવ આવ્યા છે. જોકે, પારુપલ્લી કશ્યપની ભાગીદારી તેમના ટેસ્ટ ના પરિણામ પર નિર્ભર કરશે. મંગળવારે સાંજે સાયના નેહવાલનો કોરોના અંગેનો ચોથો રિપોર્ટ નેગેટીવ આવ્યો છે. જોકે કોવિડ-19 ના અનેક ટેસ્ટ બાદ વિશ્વના પૂર્વ નંબર વન બેડમિન્ટન ખેલાડી કિદાંબી શ્રીકાંતના નાકમાંથી લોહી વહેવા લાગ્યુ હતુ. થાઇલેન્ડ ઓપન ના સ્વાસ્થ્ય અધિકારીઓના અયોગ્ય વ્યવહાર થી નારાજ ભારતીય શટલર એ અસ્વિકાર્ય ગણાવ્યુ હતુ.

Source link


SHARE WITH LOVE
  • 1
  •  
  •  
  •  
  •  
  •  
  •  
  •  
    1
    Share